فلسفة حمار

موضوع: فلسفة حمار الثلاثاء يناير 15, 2008 7:01 pm

عجبي عليك يا ابن آدم
قومت الدنيا وما قعدت لما قالوا حمار
هو اسمي شتيمه ولا جنسي ده عار
خلقني ربي وخلقك ولا حدش له خيار
وأنا مهما زاد الحمل فوقي صابر على المشوار
لافي يوم أقول اشمعنى أخويا واخد منه تار
ولا يوم أبص لرزق غيري وأطق منه وأغار
ولا أرفع يوم عيني على جارتي وأصون الجار
ولا مهر أدفع لحمارتي وشبكة وسوار
ولا شقة أجمع في تمنها ولا أجهز دار
ولا حرمى حامل تتوحم عايزة كافيار
ولا بنت تخرج عن طوعي وتجيب العار
ولا ابن يدمن ويهلوس ويقع ينهار
عايش في حالي متهني وليه أفكار ؟
باكل وباشرب وأنهق ومافيش أسرار
وعندي ابن آدم يخدمني ليل ويا نهار
إن جعت يشتري برسيمي بأغلى الأسعار
وفي مرضي يفضل يعالجني ويدعي الستار
خادم أمين من غير راتب ولا حتى إيجار
والحين عرفت يا بني آدم .....
مين فينا حمار ؟؟؟؟؟؟؟